|
İstanbul Mahkemesi 12 Numaralı Sicil (H. 1073-1074/M. 1663-1664) cilt: 16, sayfa: 250 Hüküm no: 241 Orijinal metin no: [21b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.
Şeyh Mehmed Efendi’nin Rus asıllı kölesini azat ettiği
Itâknâme A‘lemü’l-ulemâ’i’l-izâm efdalü’l-fuzalâ’i’l-fihâm yenbû‘ü’l-fezâil ve’l-me‘âlî metbû‘ü’l-efâzıl ve’l-e‘âlî hâlâ İstanbul kadısı olan Şeyh Mehmed Efendi hazretleri meclis-i şer‘-i hatîr-i lâzımü’t-tevkīrde ikrâr ve takrîr-i kelâm edip orta boylu açık kaşlı ( ) gözlü sarışın Rusiyyetü’l-asl ( ) bt. Abdullah nâm câriye-i memlûkemi niyet-i hâlisa-i vâfiyye ve taviyyet-i tayyibe-i sâfiye ile hasbeten lillâhi’l-aliyyi’l-azîm ve taleben li merzâti’r-Rabbi’r-rahîm malımdan âzâd ve mülkümden ihrâc ve silk-i harâir-i asliyyâta ilhâk ve idrâc eyledim min ba‘d câriye-i mevsûfe-i mezkûre sâir harâir-i asliyyât gibi hürre olup üzerinde velâdan gayrı hakkım bâkī kalmadı dedikde mâ hüve’l-vâki‘ bi’t-taleb ketb olundu. Fî gurreti Zilka‘deti’ş-şerîfe li sene selâse ve seb‘în ve elf.
Şuhûdü’l-hâl: Fahrü’l-müderrisîn Hasan Efendi, Fahrü’l-müderrisîn Ahmed Efendi, İbrahim Çavuş b. Abdullah, çukadar Ali Beşe b. Osman er-Râcil, Çorbacı Mustafa Beşe b. Rıdvan er-Râcil, Hüseyin Çavuş b. Abdullah, Kadızâde Abdullah Çelebi, Kābil Beşe b. Abdullah, Mustafa Beşe b. Abdullah er-Râcil.
|