.:: İstanbul Kadı Sicilleri ::.


İstanbul Mahkemesi 12 Numaralı Sicil (H. 1073-1074/M. 1663-1664)
cilt: 16, sayfa: 252
Hüküm no: 244
Orijinal metin no: [21b-4]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Hatice bt. Şeyh Mehmed’in Mehmed Beşe b. Abdullah’dan muhâlaa yoluyla boşandığı

Hul‘ Mahmiye-i İstanbul’da Tercüman Yunus mahallesinde sâkine Hatîce bt. Şeyh Mehmed nâm hâtun mahfil-i kazâda işbu bâ‘isü’l-kitâb zevci Mehmed Beşe b. Abdullah mahzarında tav‘an ikrâr ve takrîr-i kelâm edip zevcim mezbûr Mehmed Beşe zimmetinde mütekarrir ve ma‘kūdun-aleyh olan bin akçe mehr-i müeccelim ve nafaka-i iddet-i ma‘lûmem üzerlerine ve me’ûnet-i süknâm dahi kendi üzerime olmak üzre mezbûr Mehmed Beşe ile muhâla‘a-i sahîha-i şer‘iyye ile muhâla‘a edip ol dahi hul‘-ı mezbûru kabûl eyledikden sonra zevciyyete ve gayra müte‘allika âmme-i de‘âvîden mezbûr Mehmed Beşe’nin zimmetini ibrâ-i âmm-ı kātı‘ü’n-nizâ‘ ile ibrâ ve iskāt eyledim dedikde gıbbe’t-tasdîki’l-mu‘teber mâ vaka‘a bi’t-taleb ketb olundu. Fi’l-yevmi’s-sânî min Zilka‘deti’ş-şerîfe li sene selâse ve seb‘în ve elf.


Şuhûdü’l-hâl: El-Hâc Ahmed b. Mahmud, Şükür b. Mustafa, Abdi Çelebi b. Hüseyin, Hüseyin el-Muhzır, Mehmed Çelebi el-Muhzır, Mustafa b. İsâ, Mehmed b. Ramazan.