.:: İstanbul Kadı Sicilleri ::.


İstanbul Mahkemesi 12 Numaralı Sicil (H. 1073-1074/M. 1663-1664)
cilt: 16, sayfa: 257
Hüküm no: 252
Orijinal metin no: [22a-7]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Ali b. Abdullah’ın Mustafa Beşe b. Ahmed’de olan alacağını tahsil ettiği

Kabz-ı deyn Mahmiye-i İstanbul’da Ali b. Hayreddin mahallesi sâkinlerinden kazgânî tâifesinden Ali b. Abdullah nâm kimesne meclis-i şer‘-i hatîrde yine tâife-i mezbûreden Mustafa Beşe b. Ahmed muvâcehesinde bi’t-tav‘ ve’r-rızâ [22b] ikrâr ve i‘tirâf edip bundan vakıyyesi altmış birer akçeden altı bin yüz akçeye altmış vakıyye bakırımı mezbûr Mustafa’ya bey‘ ve teslîm ettikden sonra, mukaddemâ bir def‘ada üç bin akçesin mezbûr Mustafa yedinden alıp kabz edip bâkī üç bin yüz akçe hakkım kalmış idi hâlâ meblağ-ı bâkī-i mezbûr üç bin yüz akçe dahi mezbûr Mustafa’dan alıp kabz eyledim min ba‘d zikr olunan bakır semeninden mezbûr Mustafa zimmetinde bir akçe ve bir habbe hak ve alâkam kalmadı dedikde mukırr-ı mezbûru ikrâr-ı meşrûhunda mukarrun-leh mezbûr Ali vicâhen ve şifâhen tasdîk ve tahkīk etmeğin mâ vaka‘a bi’t-taleb ketb olundu. Fi’l-yevmi’t-tâsi‘ ve’l-ışrîn min Şevvâli’l-mükerrem li sene 1073.


Şuhûdü’l-hâl: Ali Kethüdâ b. Mehmed, Abdurrahman b. Yahya, İbrahim b. Abdülkerim, Hasan Beşe b. Muslu, Yusuf b. Ahmed, el-Hâc İbrahim b. Musa, Osman b. Ruh?, el-Hâc Mehmed b. Mehmed.