.:: İstanbul Kadı Sicilleri ::.


İstanbul Mahkemesi 12 Numaralı Sicil (H. 1073-1074/M. 1663-1664)
cilt: 16, sayfa: 259
Hüküm no: 256
Orijinal metin no: [22b-4]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Hacı Mustafa b. Hacı Ali’nin Abdurrahman Çelebi b. Mecid Mehmed’de alacağı olduğu

İkrâr-ı deyn Mahmiye-i İstanbul’da vâki‘ Zincirlikapı Hamamı’nın sâbıkan hamamcısı olan bâ‘isü’l-vesîka el-Hâc Mustafa b. el-Hâc Ali meclis-i şer‘-i hatîr-i lâzımü’t-tevkīrde hâlâ hamam-ı mezbûrun hamamcısı olan Abdurrahman Çelebi b. Mecid Mehmed Efendi mahzarında takrîr-i kelâm ve bast-ı merâm edip mukaddemâ mezbûr Abdurrahman Çelebi’ye altı yüz yirmi beş kıt‘a esedî guruş ikrâz ve teslîm ol dahi ber minvâl-i muharrer iktirâz ve kabz eylemiş idi hâlâ mezbûrdan suâl olunup takrîri tahrîr ve sûreti yedime def‘ olunmak matlûbumdur dedikde gıbbe’s-suâl mezbûr Abdurrahman Çelebi cevâbında fi’l-vâki‘ mezbûr el-Hâc Mustafa yedinde vech-i muharrer üzre altı yüz yirmi beş kıt‘a esedî guruş iktirâz ve kabz edip meblağ-ı mezkûr mezbûre zimmetimde lâzımü’l-edâ deynimdir deyû bi tav‘ihî ikrâr ve i‘tirâf etmeğin işbu vesîka ketb ve yedine def‘ olundu. Fî gurreti Zilka‘deti’ş-şerîfe li sene selâse ve seb‘în ve elf.


Şuhûdü’l-hâl: Fahrü’l-müderrisîn Şeyhzâde Mehmed Efendi, Mehmed Efendi el-İmâm, İbrahim Çelebi el-Müezzin, Musa Beşe b. Ömer er-Râcil, Mustafa Çelebi b. Murad, Maden Çelebi b. Mehmed, Hasan Bey b. Ömer Bey, Zülfikār Çelebi b. Abdullah, Abdülvehhab b. İsmail, el-Hâc Ahmed b. Mahmud kethüdâ-yı muhzırân.