.:: İstanbul Kadı Sicilleri ::.


İstanbul Mahkemesi 12 Numaralı Sicil (H. 1073-1074/M. 1663-1664)
cilt: 16, sayfa: 263
Hüküm no: 262
Orijinal metin no: [23a-4]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Bakkal Espalot v. Estati’nin ortağı Espalot v. Todori aleyhine açtığı alacak davasının reddedildiği

Men‘ Mahmiye-i İstanbul’da Horhor kurbunda sâkin bakkal tâifesinden Espalot v. İstati nâm zimmî meclis-i şer‘de işbu bâ‘isü’s-sifr diğer Espalot v. Todori muvâcehesinde üzerine da‘vâ ve takrîr-i kelâm edip bundan akdem mezbûr Espalot ile bakkallık san‘atından şerîk olmak için yedine yüz yirmi guruş def‘ ve teslîm ol dahi yedimden ahz u kabz edip hâlâ fesh-i akd-i şirket eylediğimizde meblağ-ı mezbûr yüz yirmi guruşu mezbûr Espalot’dan taleb ettiğimde vermede te‘allül eder suâl olunsun dedikde gıbbe’s-suâl mezbûr diğer Espalot cevâbında fi’l-vâki‘ müdde‘î-i mezbûr Espalot’dan yüz yirmi guruşu ahz edip ben dahi kendi malımdan yirmi bin akçe ifrâz ve meblağ-ı mezbûre halt edip ba‘dehû malımızı bakkal metâ‘ına verip ol metâ‘ın cümlesi dükkânda iken harîk-i kebîrde muhterik olup ol metâ‘dan yedimde bir şey kalmamışdır dedikde gıbbe’l-istintâk kaziyye minvâl-i muharrer üzre olduğunu tâyi‘an ikrâr etmeğin mûcebince mezbûr bî-vech mu‘ârazadan men‘ olunup mâ vaka‘a bi’t-taleb ketb olundu. Fi’l-yevmi’s-sânî min Zilka‘deti’ş-şerîfe li sene 1073.


Şuhûdü’l-hâl: Veli b. Mahmud, Yusuf b. Musa, Yusuf b. Mehmed, Hüseyin b. Ebûbekir.