|
İstanbul Mahkemesi 12 Numaralı Sicil (H. 1073-1074/M. 1663-1664) cilt: 16, sayfa: 263 Hüküm no: 263 Orijinal metin no: [23a-5] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.
Palaşa bt. Yorgi’nin menzilini satma üzre eşi Yofilo v. Mihalaki’yi vekil tayin ettiği
Vekâlet Mahmiye-i İstanbul’da Balatkapısı hâricinde Karabaş mahallesinde sâkine Palaşa bt. Yorgi nâm nasrâniyye meclis-i şer‘-i hatîr-i lâzımü’t-tevkīrde işbu râfi‘ü’s-sifr zevci Yofilo v. Mihalaki nâm zimmî muvâcehesinde takrîr-i kelâm edip mahalle-i mezbûrede vâki‘ lede’l-ahâlî ve’l-cîrân ma‘lûmü’l-hudûd olan menzilde vâki‘ nısfın nısfı olan hisse-i şâyi‘amı bey‘a ve semenini ahz u kabza ve bana îsâle ve ahz u kabz ve îsâl mütevakkıf olduğu umûrun cümlesine mezbûr Yofilo’yu tarafımdan vekîl ve nâib-i menâb nasb u ta‘yîn eyledim dedikde ol dahi vekâlet-i mezbûreyi kabûl ve hizmet-i lâzımesin edâya ta‘ahhüd etmeğin mâ vaka‘a bi’t-taleb ketb olundu. Fi’l-yevmi’s-sâbi‘ min Zilka‘deti’ş-şerîfe li sene 1073.
Şuhûdü’l-hâl: Pîrî b. Hüseyin, Veli b. Mahmud, Resûl Bey b. Rıdvan, Abdi Çelebi b. Hüseyin.
|