|
İstanbul Mahkemesi 12 Numaralı Sicil (H. 1073-1074/M. 1663-1664) cilt: 16, sayfa: 265 Hüküm no: 267 Orijinal metin no: [23b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.
Hüseyin’in vasîsi Pîrî Çelebi b. Veli’nin Mehmed Bey b. Ahmed’de olan alacağını tahsil ettiği
Kabzü’l-vasî mâli’s-sagīr Mahmiye-i İstanbul’da Kırkçeşme kurbunda Kapı Ağası odalarında sâkine olup mukaddemâ vefât eden Fâtıma bt. ( ) hâtunun sagīr oğlu Hüseyin’in kıbel-i şer‘den mansûb vasiyy-i şer‘îsi olan Pîrî Çelebi b. Veli nâm bevvâbü’s-sultânî meclis-i şer‘-i hatîr-i lâzımü’t-tevkīrde hâfızü’l-kitâb Mehmed Bey b. Ahmed mahzarında bi’l-vesâye ikrâr ve takrîr-i kelâm edip sagīr-i mezbûr malından karzdan mezbûr Mehmed Bey zimmetinde olan altı bin akçeyi vesâyetimiz hasebiyle mezbûr Mehmed Bey yedinden bi’t-tamâm ve’l-kemâl alup kabz eyledim min ba‘d mezbûr zimmetinde bir akçe ve bir habbe bâkī kalmadı dedikde mukırr-ı mezbûru ikrâr-ı meşrûhunda mezbûr Mehmed Bey tasdîk etmeğin mâ hüve’l-vâki‘ bi’t-taleb ketb olundu. Fi’l-yevmi’r-râbi‘ min Zilka‘deti’ş-şerîfe li sene selâse ve seb‘în ve elf.
Şuhûdü’l-hâl: Mustafa Çelebi b. Bayram, Mehmed Çelebi, Ahmed Çelebi, Ali Beşe, Mustafa Beşe, Abdi Çelebi.
|