|
İstanbul Mahkemesi 12 Numaralı Sicil (H. 1073-1074/M. 1663-1664) cilt: 16, sayfa: 272 Hüküm no: 278 Orijinal metin no: [24b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.
Mehmed b. Abdullah vakfına ait menzil arsasının Receb Halife b. Nasûh’a tevcih edildiği
Tevcîh-i arsa Mahmiye-i İstanbul’da Lâleli Çeşme kurbunda Kuyumcu Bahşâyiş mahallesinde vâki‘ merhûm Mehmed b. Abdullah nâm sâhibü’l-hayr vakf ve süknâsını bir recül-i sâliha şart eylediği, iki tarafı Şerife Ayşe Hâtun mülküne ve bir tarafı Mihriban Hâtun vakfına ve bir tarafı tarîk-i hâssa müntehî vakıf menzili es-Seyyid Abdurrahman Efendi b. es-Seyyid Şeyh Yakub Efendi tevcîh-i hâkim ile mutasarrıf iken, menzil-i mezbûr muhterik olmağla menzil-i mezbûrun arsasından merkūm es-Seyyid Abdurrahman Efendi kasr-ı yed etmekle yine sulehâdan olup süknâya eşedd-i ihtiyâc ile muhtâc olan işbu bâ‘isü’l-kitâb Receb Halîfe b. Nasûh nâm kimesneye menzil-i mezbûrun arsası ber mûceb-i şart-ı vâkıf tevcîh olunup tasarrufu için işbu hurûf ketb olunup yedine def‘ olundu. Fi’l-yevmi’t-tâsi‘ min Zilka‘deti’ş-şerîfe li sene selâse ve seb‘în ve elf.
Şuhûdü’l-hâl: Mefharü’l-müderrisîn Seyyid Hasan Efendi, Mefharü’l-müderrisîn Nâzikîzâde Mustafa Efendi, Şeyh İvaz Efendi, Hacı Ali bevvâb-ı sultânî, Yusuf Efendi b. İsmail, Mustafa Bey el-bostânî, Mehmed Beşe b. ( ), Şaban b. Halil.
|