.:: İstanbul Kadı Sicilleri ::.


İstanbul Mahkemesi 12 Numaralı Sicil (H. 1073-1074/M. 1663-1664)
cilt: 16, sayfa: 273
Hüküm no: 279
Orijinal metin no: [24b-3]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Nusret bt. Abdullah’ın menzilini Yusuf Beşe b. Mehmed’e sattığı

Mülknâme Mahmiye-i İstanbul’da Yenibahçe kurbunda Karabaş mahallesinde sâkine Nusret bt. Abdullah nâm hâtun meclis-i şer‘-i hatîr-i lâzımü’t-tevkīrde hâfızü’l-kitâb Yusuf Beşe b. Mehmed mahzarında tav‘an ikrâr ve takrîr-i kelâm edip mahalle-i mezbûrede vâki‘ bir cânibi Himmet Efendi mülküne ve bir cânibi Hâfız Mehmed Paşa vakfı bostana ve bir cânibi ( ) mezbûre vakfına ve bir cânibi tarîk-i âma müntehî bir bâb tahtânî odayı ve sofayı müştemil mülk menzilimi, mezbûr Yusuf Beşe’ye on beş bin akçeye bâtten bey‘ ve teslîm ve mezbûr Yusuf Beşe dahi minvâl-i muharrer üzre iştirâ ve tesellüm eyledikden sonra semeni olan meblağ-ı mezbûr on beş bin akçeyi mezbûr Yusuf Beşe yedinden tamâmen alıp kabz eyledim min ba‘d menzil-i mezbûr merkūm Yusuf Beşe’nin mülkü olup keyfe mâ yeşâ’ ve yahtâr mutasarrıf olsun dedikde gıbbe’t-tasdîki’ş-şer‘î mâ hüve’l-vâki‘ bi’t-taleb ketb olundu. Fi’l-yevmi’s-sâmin min Zilka‘deti’ş-şerîfe li sene selâse ve seb‘în ve elf.


Şuhûdü’l-hâl: Hasan Efendi b. Mustafa el-İmâm, Abdi Çelebi b. Ramazan el-Müezzin, Ali Çelebi b. Abdullah, Receb Beşe b. Mehmed, Receb Beşe b. Hızır, Mehmed b. Mustafa, Ali Beşe b. Mehmed, Abdülbâkī b. Veli, Süleyman Efendi el-Müderris, Mustafa Beşe b. Rıdvan es-Sarrâc, Abdi Çelebi el-Muhzır, Şükür Bey el-Muhzır.