.:: İstanbul Kadı Sicilleri ::.


İstanbul Mahkemesi 12 Numaralı Sicil (H. 1073-1074/M. 1663-1664)
cilt: 16, sayfa: 274
Hüküm no: 280
Orijinal metin no: [24b-4]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Yamandi v. Nikola meyhanelerde olan hissesini kardeşi Yorgi’ye kiraya verdiği

Îcâr-ı meyhâne Meyhâneci tâifesinden Yamandi v. Nikola nâm zimmî meclis-i şer‘-i hatîr-i lâzımü’t-tevkīrde li ebeveyn karındaşı Yorgi nâm zimmî muvâcehesinde tav‘an ikrâr ve takrîr-i kelâm edip mahmiye-i İstanbul’da Kumkapı hâricinde lede’l-ahâlî ma‘lûmü’l-hudûd Panbuk Meyhânesi demekle meşhûr mülk meyhâneden üç bölükde bir bölük hisse-i müfrezemi, mezbûr Yorgi’ye târih-i kitâb gününden sene-i kâmile tamâmına değin altı bin akçe ücret ile îcâr ve teslîm ve Balıkpazarı’nda vâki‘ lede’l-ahâlî ma‘lûmü’l-hudûd mülk meyhâneden üç bölükde bir bölük hisse-i müfrezemi iki bin akçe ücret ile îcâr ve teslîm ve mezbûr Yorgi dahi minvâl-i muharrer üzre istîcâr ve tesellüm eyledi dedikde gıbbe’t-tasdîki’l-mu‘teber mâ hüve’l-vâki‘ bi’t-taleb ketb olundu. Fi’l-yevmi’l-âşir min Zilka‘deti’ş-şerîfe li sene 1073.


Şuhûdü’l-hâl: Ahmed Çelebi b. Mahmud kethüdâ-yı muhzırân, Câbi Mehmed Çelebi, Abdi Çelebi el-Muhzır, Ahmed Çelebi b. Ali Serbölük, Osman Çelebi b. Abdullah Serbölük, Şükür Bey el-Muhzır, Baba Resûl el-Muhzır, Yani v. Velisar, İstador v. Lambo, İstavri v. Nikola, İstadi v. Panayot, Yorgi v. Yani, Andriye v. Yani.