.:: İstanbul Kadı Sicilleri ::.


İstanbul Mahkemesi 12 Numaralı Sicil (H. 1073-1074/M. 1663-1664)
cilt: 16, sayfa: 275
Hüküm no: 282
Orijinal metin no: [25a-1]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


İvaz Bey b. Kabil’in Ayşe Hâtun bt. Hasan’da olan alacağını tahsil ettiği

Kabz-ı deyn Mahrûse-i Üsküdar’da Karaca Ahmed tekyesi kurbunda sâkin İvaz Bey b. Kābil nâm kimesne meclis-i şer‘-i hatîrde râfi‘atü’l-kitâb Ayşe Hâtun bt. Hasan Efendi tarafından tasdîk-i âti’l-beyâna sâbitü’l-vekâle vekîl olan karındaşı Atâullah Çelebi muvâcehesinde ikrâr ve i‘tirâf edip müvekkile-i mezbûre Ayşe zimmetinde karzdan beş bin akçe hakkım var idi hâlâ meblağ-ı mezbûr yirmi beş bin akçeyi tamâmen alıp kabz eyledim dedikde gıbbe’t-tasdîki’ş-şer‘î mezbûr İvaz Bey meclis-i mezbûrda i‘âde-i kelâm edip deyn-i mezbûr için mukaddemâ mezbûre Ayşe’nin bana def‘ ettiği temessükü zâyi‘ eyledim. Fîmâ-ba‘d zuhûr ederse amel olunmaya dedikde vâki‘ü’l-hâl bi’t-taleb ketb olundu. Fi’l-yevmi’l-âşir min Zilka‘deti’ş-şerîfe li sene 1073.


Şuhûdü’l-hâl: Ahmed Çelebi b. Ali ed-Dâ‘î, el-Hâc Ahmed b. Mahmud Kethüdâ, Mehmed Çelebi b. Hamza, Mahmud b. Mustafa, Sinan b. Şaban, Ali Beşe çukadar.