.:: İstanbul Kadı Sicilleri ::.


İstanbul Mahkemesi 12 Numaralı Sicil (H. 1073-1074/M. 1663-1664)
cilt: 16, sayfa: 277
Hüküm no: 285
Orijinal metin no: [25a-4]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Foti v. Moyusı’nın Domani’ye borcuna Despina bt. Andon ile Sultana bt. Moyusı’nın kefil olduğu

Kefâlet Mahmiye-i İstanbul’da Çakır Ağa mahallesi ahâlîsinden Foti v. Moyusı nâm zimmî meclis-i şer‘-i hatîrde râfi‘ü’l-vesîka Domani nâm zimmî muvâcehesinde ikrâr ve i‘tirâf edip cihet-i karzdan işbu mezbûr Domani’ye zimmetimde lâzımü’l-edâ dört yüz riyâlî guruş deynimiz vardır dedikde gıbbe’t-tasdîki’l-vicâhî medyûn-ı mezbûr Foti’nin zevcesi Despina bt. Andon ile medyûn-ı mezbûr Foti zimmînin kız karındaşı Sultana bt. Moyusı nâm nasrâniyyeler meblağ-ı sâlifü’z-zikr dört yüz guruşun mecmû‘una kefâlet-i sahîha-i şer‘iyye ile her biri kefîl olmağın mâ hüve’l-vâki‘ bi’l-ibtigā ketb olundu. Fi’l-yevmi’t-tâsi‘ min Zilka‘deti’ş-şerîfe li sene 1073.


Şuhûdü’l-hâl: Mustafa Çavuş el-Mübâşir, Abdülkādir Efendi el-İmâm, Ahmed Halîfe el-Müezzin, Abdi Çelebi b. Hüseyin, Mustafa b. Mehmed.