.:: İstanbul Kadı Sicilleri ::.


İstanbul Mahkemesi 12 Numaralı Sicil (H. 1073-1074/M. 1663-1664)
cilt: 16, sayfa: 278
Hüküm no: 288
Orijinal metin no: [25a-7]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Fâtıma bt. Hasan’ın Receb b. Yakub’tan muhâlaa yoluyla boşandığı

Hul‘ Mahmiye-i İstanbul’da Topkapısı dâhilinde sâkine Fâtıma bt. Hasan meclis-i şer‘de zevci Receb b. Yakub mahzarında ikrâr ve takrîr-i kelâm edip zevcim mezbûr Receb zimmetinde mütekarrir ve ma‘kūdun-aleyh olan bin akçe mehr-i müeccelim ve nafaka-i iddet-i ma‘lûmem ve me’ûnet-i süknâm dahi kendi üzerime olmak üzerlerine [25b] mezbûr Receb ile muhâla‘a-i sahîha-i şer‘iyye ile hul‘ eyledim. Ol dahi hul‘-ı mezkûru kabûl eyledikden sonra zevciyyete ve gayra müte‘allika da‘vâdan her birimiz âharın zimmetini ibrâ-i âmm-ı kātı‘ü’n-nizâ‘ ile ibrâ ve iskāt eyledik dedikde gıbbe’t-tasdîki’ş-şer‘î mâ hüve’l-vâki‘ bi’t-taleb ketb olundu. Fi’l-yevmi’l-hâdî aşer min Zilka‘deti’ş-şerîfe li sene 1073.


Şuhûdü’l-hâl: Keşfî Mustafa Efendi, Şükür Beşe b. Mustafa, Hasan b. Mustafa, Resûl b. Rıdvan, Mehmed b. Ramazan.