|
İstanbul Mahkemesi 12 Numaralı Sicil (H. 1073-1074/M. 1663-1664) cilt: 16, sayfa: 278 Hüküm no: 289 Orijinal metin no: [25b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.
Ali b. Abdullah’ın Arslan b. Mustafa’da alacağı olduğuna dair iddiasını ispat edemediği
Yemîn Mahmiye-i İstanbul’da Kâtib Kasım mahallesi sâkinlerinden Ali b. Abdullah nâm kimesne meclis-i şer‘de Arslan b. Mustafa mahzarında üzerine da‘vâ ve takrîr-i kelâm edip cihet-i karz-ı şer‘îden mezbûr Arslan zimmetinde altı bin akçe hakkım vardır, vermede te‘allül eder, suâl olunup alıverilmesi matlûbumdur dedikde gıbbe’s-suâl ve’l-inkâr müdde‘î-i mezbûrdan müdde‘âsını mübeyyine beyyine taleb olundukda ityân-ı beyyineden izhâr-ı acz ile istihlâf edicek müdde‘î-i mezbûr Ali’ye karz-ı şer‘îden altı bin akçe deyni olmadığına merkūm Arslan’a yemîn teklîf olundukda ol dahi alâ vefki’l-mes’ûl half billâhi’l-aliyyi’l-a‘lâ etmeğin müdde‘î-i mezbûr bilâ-beyyine mu‘ârazadan men‘ olunup mâ vaka‘a bi’t-taleb ketb olundu. Fi’l-yevmi’s-sâlis min Zilka‘deti’ş-şerîfe li sene selâse ve seb‘în ve elf.
Şuhûdü’l-hâl: Şükrullah Çelebi b. Mustafa, Hasan b. Ahmed, Mehmed b. Ramazan, Resûl Beşe b. Rıdvan, Hüseyin b. Ebûbekir, Pîrî b. Hüseyin.
|