İstanbul Mahkemesi 12 Numaralı Sicil (H. 1073-1074/M. 1663-1664) cilt: 16, sayfa: 513 Hüküm no: 647 Orijinal metin no: [58a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Meyhaneci Kanilo v. Todori’nin Mavranos v. Yorgaki’den alacağı olduğu İkrâr-ı deyn Meyhâneci tâifesinden Kanilo v. Todori nâm zimmî meclis-i şer‘de Mavranos v. Yorgaki nâm zimmî mahzarında üzerine da‘vâ ve takrîr-i kelâm edip mezbûr Mavranos zimmetinde cihet-i karz-ı şer‘îden üç bin beş yüz akçe hakkım vardır hâlâ taleb ederim suâl olunsun dedikde gıbbe’s-suâl mezbûr Mavranos cevâbında fi’l-vâki‘ müdde‘î-i mezbûr Kanilo’ya cihet-i karzdan zimmetimde vâcibü’l-edâ ve lâzımü’l-kazâ deynim vardır deyû bi tav‘ihî ikrâr etmeğin ikrârı mûcebince meblağ-ı mezbûr üç bin beş yüz akçeyi müdde‘î-i mezbûr Kanilo’ya edâ ve teslîme mezbûr Mavranos’a tenbîh birle mâ vaka‘a bi’t-taleb ketb olundu. Fi’l-yevmi’t-tâsi‘ ve’l-ışrîn mine’l-Muharrem li sene 1074. Şuhûdü’l-hâl: Hüseyin Çavuş b. İlyas el-Mübâşir, Şükrullah b. Mustafa, Abdi Çelebi b. Hüseyin, Kösec Osman b. Abdullah, Resûl b. Rıdvan, Mehmed b. Ramazan.