İstanbul Mahkemesi 12 Numaralı Sicil (H. 1073-1074/M. 1663-1664) cilt: 16, sayfa: 519 Hüküm no: 658 Orijinal metin no: [58b-8] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hatice bt. Hacı Hasan’ın kocası Ramazan b. Hacı Süleyman’dan muhâlaa yoluyla boşandığı Hul‘ Mahmiye-i İstanbul’da Gazanfer Ağa mahallesinde sâkine Hatîce bt. el-Hâc Hasan nâm hâtun meclis-i şer‘-i hatîr-i lâzımü’t-tevkīrde işbu bâ‘isü’l-kitâb zevci Ramazan b. el-Hâc Süleyman nâm kimesne mahzarında bi tav‘ihâ [59a] ikrâr ve takrîr-i kelâm edip zevcim mezbûr Ramazan zimmetinde mütekarrir ve ma‘kūdun-aleyh olan bin beş yüz akçe mehr-i müeccelim ve nafaka-i iddet-i ma‘lûmem üzerlerine ve me’ûnet-i süknâm dahi kendi üzerime olmak üzre mezbûr Ramazan ile muhâla‘a-i sahîha-i şer‘iyye ile muhâla‘a edip ol dahi hul‘-ı mezbûru kabûl eyledikden sonra zevciyyete müte‘allika âmme-i da‘vâdan her birimiz âharın zimmetini ibrâ ve iskāt eyledik dedikde gıbbe’t-tasdîki’l-mu‘teber mâ vaka‘a bi’t-taleb ketb olundu. Fi’l-yevmi’s-sâdis ve’l-ışrîn mine’l-Muharrem li sene 1074. Şuhûdü’l-hâl: El-Hâc Ahmed Çelebi b. Mahmud, Osman Çelebi b. Abdülmennân, Şükrullah Çelebi b. Mustafa, Abdi Çelebi b. Hüseyin, Veli b. Mahmud.