İstanbul Mahkemesi 12 Numaralı Sicil (H. 1073-1074/M. 1663-1664) cilt: 16, sayfa: 520 Hüküm no: 660 Orijinal metin no: [59a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hasan Odabaşı b. Hızır’ın 36. Yeniçeri Ağa Bölüğü vakfından bey‘ bi’l-istiğlâl yoluyla ödünç aldığı İstiğlâl Mahmiye-i İstanbul’da Abdi Subaşı mahallesi sâkinlerinden Hasan Odabaşı b. Hızır meclis-i şer‘-i hatîrde dergâh-ı âlî yeniçerilerinin otuz altı ağa bölüğü mühimmâtı için mevkūfe nukūdun mütevellîsi Ahmed Odabaşı b. Sefer muvâcehesinde ikrâr ve takrîr-i kelâm edip mahalle-i mezbûrede vâki‘ bir tarafı kantarcı Hüseyin ve bir tarafı Ahmed Efendi ve bir tarafı Mahmud Ağa mülkleri ve taraf-ı râbi‘i tarîk-i âm ile mahdûd mülk menzilimi bi tarîki’l-istiğlâl mezbûr Ahmed Odabaşı’ya kırk bin akçeye bey‘ ve teslîm eyleyip meblağ-ı mezbûru tamâmen alıp kabz ettikden sonra târih-i kitâbdan sene tamâmına dek altı bin akçe ücret ile menzil-i mezbûru mütevellî-i merkūm ba‘de’t-tahliyye bana îcâr ve teslîm eyleyip ben dahi istîcâr ve tesellüm ve kabûl eyledim dedikde gıbbe’t-tasdîk mâ vaka‘a bi’t-taleb ketb olundu. Fi’l-yevmi’t-tâsi‘ ve’l-ışrîn mine’l-Muharrem li sene 1074. Şuhûdü’l-hâl: Es-Sâbikūn.