İstanbul Mahkemesi 12 Numaralı Sicil (H. 1073-1074/M. 1663-1664) cilt: 16, sayfa: 525 Hüküm no: 667 Orijinal metin no: [59b-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Navluncu Hacı Mehmed b. Hacı Receb ile ortağı Hacı Veli b. Hacı Ramazan’ın İshak Beşe’de olan alacaklarına Osman Beşe’nin kefil olduğu Kefâlet Navluncu tâifesinden el-Hâc Mehmed b. el-Hâc Receb ve şerîki el-Hâc Veli b. el-Hâc Ramazan nâm kimesneler meclis-i şer‘de ekmekçi tâifesinden İshak Beşe nâm kimesne mahzarında her biri üzerine da‘vâ ve takrîr-i kelâm edip her keyli elli akçeye yedimizden müşterâ ve makbûz beş yüz kırk keyl buğday semeni olup mezbûr İshak Beşe zimmetinde olan yirmi yedi bin akçe hakkım mezbûr İshak Beşe’den taleb ederim suâl olunsun dedikde gıbbe’s-suâl mezbûr İshak Beşe cevâbında fi’l-vâki‘ müdde‘iyân-ı mezbûrâna edâya mezbûr İshak Beşe’ye ba‘de’t-tenbîh mezbûr İshak Beşe talebi ile mezbûrân meblağ-ı mezbûru târih-i kitâbdan şehr-i âtî gurresine değin edâya te’cîl eylediklerinde mezbûr Osman Beşe mezbûr İshak Beşe’nin nefsine ve hîn-i mütâlebede meclis-i şer‘a ihzârına ve firâr ederse meblağ-ı mezbûra emri ile kefîl oldukda, müdde‘iyân-ı mezbûrân kefâlet-i mezbûreyi kabûl etmeğin mâ vaka‘a bi’t-taleb ketb olundu. Fi’l-yevmi’r-râbi‘ aşer mine’l-Muharrem li sene 1074. Şuhûdü’l-hâl: Hüseyin Efendi el-Brusî, Ahmed Çelebi b. Mahmud Kethüdâ, Abdi Çelebi b. Hüseyin, Şükür Bey b. Mustafa, Mehmed b. Ramazan.