İstanbul Mahkemesi 12 Numaralı Sicil (H. 1073-1074/M. 1663-1664) cilt: 16, sayfa: 548 Hüküm no: 706 Orijinal metin no: [63a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Yani v. Yorgi ile Yani v. Nikola arasındaki alacak mes’elesinde sulh olunduğu Sulh Tâife-i zimmîyândan Yani v. Yorgi nâm zimmî meclis-i şer‘-i hatîr-i lâzımü’t-tevkīrde hâmilü’l-kitâb Yani v. Nikola nâm zimmî mahzarında tav‘an ikrâr ve takrîr-i kelâm edip mezbûr Yani yedine üç bin akçe kıymet-i şer‘iyyeli bir benefşe çuka îdâ‘ ve teslîm eylediğimden sonra mezbûr dahi alıp kabz edip ba‘dehû istihlâk etmekle kıymet-i mezbûreyi mezbûr Yani zimmîden da‘vâ eylediğimde ol dahi ikrâr etmiş idi el-hâletü hâzihî vesâtat-ı muslihîn ile an ikrâr mezbûr ile iki bin akçe üzerine sulh olup ol dahi vech-i muharrer üzre sulhu kabûl ve bedel-i sulh olan iki bin akçeyi mezbûr Yani yedinden alıp kabz edip mâ‘adâdan mezbûrun zimmetini ibrâ eyledim dedikde gıbbe’t-tasdîk, mâ vaka‘a bi’t-taleb ketb olundu. Fi’l-yevmi’l-âşir min Saferi’l-hayr li sene 1074. Şuhûdü’l-hâl: İbrahim Çavuş b. Abdullah el-Mübâşir, Hüseyin Efendi el-Brusî, çukadar Ali Beşe, Köse Ahmed, Abdi Çelebi b. Hüseyin.