İstanbul Mahkemesi 12 Numaralı Sicil (H. 1073-1074/M. 1663-1664) cilt: 16, sayfa: 556 Hüküm no: 719 Orijinal metin no: [64a-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Manisalı Çelebi mahallesinden Ümmühânî bt. Abdülbâkī ile Musa b. Muslu’nun muhâlaa yoluyla boşandıkları Hul‘ Mahmiye-i İstanbul’da Manisalı Çelebi mahallesi sâkinelerinden Ümmühânî bt. Abdülbâkī nâm hâtun meclis-i şer‘de işbu bâ‘isü’l-kitâb zevci Musa b. Muslu muvâcehesinde bi tav‘ihâ ikrâr ve takrîr-i kelâm edip zevcim mezbûr Musa zimmetinde mütekarrir ve ma‘kūdun-aleyh olan iki bin akçe mehr-i müeccelim ve nafaka-i iddet-i ma‘lûmem üzerlerine ve me’ûnet-i süknâm dahi kendi üzerime olmak üzre zevcim mezbûr Musa ile muhâla‘a-i sahîha-i şer‘iyye ile muhâla‘a edip ol dahi hul‘-ı mezbûru kabûl eyledikden sonra zevciyyete ve gayra müte‘allika âmme-i da‘vâdan her birimiz âharın zimmetini ibrâ ve iskāt eyledik dediklerinde, gıbbe’t-tasdîki’ş-şer‘î mâ vaka‘a bi’t-taleb ketb olundu. Fi’l-yevmi’s-sâlis aşer min Saferi’l-hayr li sene 1073. Şuhûdü’l-hâl: İbrahim Beşe b. Halil, Kadri Beşe b. Ömer, Mehmed Beşe b. Ali, Ahmed Beşe b. Abdullah, Mustafa Çelebi b. Bayram, Ali b. Bahri, Mustafa b. İlyas, Mehmed b. Mustafa, Hasan Beşe b. Hüseyin, Mehmed Çelebi b. Hasan, Mustafa b. Mehmed.