İstanbul Mahkemesi 12 Numaralı Sicil (H. 1073-1074/M. 1663-1664) cilt: 16, sayfa: 559 Hüküm no: 723 Orijinal metin no: [64b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Yakob v. Murad’ın Ekmekçi Kirkor v. Mardiros’a borcu olduğu İkrâr-ı deyn Ekmekçi tâifesinden Kirkor v. Mardiros nâm Ermeni meclis-i şer‘-i hatîr-i lâzımü’t-tevkīrde Yakob v. Murad nâm Ermeni muvâcehesinde üzerine da‘vâ ve takrîr-i kelâm edip mezbûr Yakob zimmetinde yedimden müşterâ ve makbûz ekmek semeninden kırk dokuz bin akçe hakkım vardır hâlâ taleb ederim suâl olunsun dedikde gıbbe’s-suâl, mezbûr Yakob cevâbında fi’l-hakīka cihet-i mezbûreden müdde‘î-i mezbûr Kirkor’da kırk dokuz bin akçe zimmetimde lâzımü’l-edâ ve vâcibü’l-kazâ deynim vardır deyû bi tav‘ihî ikrâr etmeğin mûcebince meblağ-ı mezbûr kırk dokuz bin akçeyi müdde‘î-i mezbûr Kirkor’a edâ ve teslîme merkūm Yakob’a tenbîh birle mâ hüve’l-vâki‘ bi’t-taleb ketb olundu. Min Saferi’l-hayr li sene 1074. Şuhûdü’l-hâl: Abdi Çelebi b. Hüseyin, Şükrullah b. Mustafa, Resûl b. Rıdvan, Mehmed b. Ramazan, Osman Çelebi b. ( ), Muharrem b. Abdullah.