İstanbul Mahkemesi 12 Numaralı Sicil (H. 1073-1074/M. 1663-1664) cilt: 16, sayfa: 560 Hüküm no: 725 Orijinal metin no: [64b-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Başçı Hacı mahallesinden Fâtıma bt. Ömer’in, Ahmed b. Abdullah’tan muhâlaa yoluyla boşandığı Nafaka Mahmiye-i İstanbul’da Haseki Sultan câmi‘-i şerîfi kurbunda Başcı Hacı mahallesinde sâkine Fâtıma bt. Ömer nâm hâtun meclis-i şer‘-i hatîrde zevci Ahmed b. Abdullah mahzarında ikrâr ve takrîr-i kelâm edip zevcim mezbûr Ahmed zimmetinde mütekarrir ve ma‘kūdun-aleyh olan bin akçe mehr-i müeccelim ve nafaka-i iddet-i ma‘lûmem üzerlerine ve me’ûnet-i süknâm dahi kendi üzerime olmak üzre zevcim mezbûr Ahmed ile muhâla‘a-i sahîha-i şer‘iyye ile muhâla‘a edip ol dahi hul‘-ı mezbûru kabûl eyledikden sonra zevciyyete ve gayra müte‘allika âmme-i de‘âvîden her birimiz âharın zimmetini ibrâ-i âmm-ı kātı‘ü’n-nizâ‘ ile ibrâ ve iskāt eyledik dedikde gıbbe’t-tasdîk, mâ vaka‘a bi’t-taleb ketb olundu. Fi’l-yevmi’l-hâmis aşer min Saferi’l-hayr li sene 1074. Şuhûdü’l-hâl: El-Hâc Ahmed b. Mahmud kethüdâ-yı muhzırân, Abdi Çelebi b. Hüseyin, Şükrullah Çelebi b. Mustafa, Baba Resûl b. Rıdvan.