İstanbul Mahkemesi 12 Numaralı Sicil (H. 1073-1074/M. 1663-1664) cilt: 16, sayfa: 576 Hüküm no: 750 Orijinal metin no: [67a-5] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Sinan b. Mustafa’nın Premedi kazasının Sırmayolu köyündeki ev arazisini, Ali b. Aydın ve Süleyman’a sattığı Mahmiye-i İstanbul’da Parmakkapı kurbunda sâkin Sinan b. Mustafa nâm kimesne meclis-i şer‘-i hatîr-i lâzımü’t-tevkīrde kendi tarafından asâleten ve Ali b. Aydın ve Süleyman b. ( ) taraflarından husûs-ı âtîye vekîl olan Şâhin nâm kimesne mahzarında bi’t-tav‘i’s-sâf ikrâr ve takrîr-i kelâm edip vilâyet-i Rumeli’nde Premedi kazâsı kurâsından Sırmayolu nâm karyede vâki‘ lede’l-ahâlî ma‘lûmü’l-hudûd bir bâb fevkānî ve tahtânî odayı müştemil mülk menzilimi ve lede’l-ahâlî ma‘lûmü’l-hudûd tahmînen dört dönüm mülk bostan yerini ve lede’l-ahâlî ma‘lûmü’l-hudûd dört kıt‘a mülk yerlerimi ve on bir kıt‘a mülk bağımı vekîl-i merkūma safka-i vâhide ile on bin akçeye bey‘-i kat‘î ile bey‘ vekîl-i mezbûr Şâhin dahi asâleten ve vekâleten minvâl-i muharrer üzre iştirâ ve kabûl eyledikden [sonra], semeni olan meblağ-ı mezbûr on bin akçeden asîlân-ı mezbûrân ile vekîl-i mezbûr Şâhin’in zimmetini ibrâ edip min ba‘d menzil-i mezbûr ve bostan yeri ve tarlaları ve bağı mahallinde zabta mezbûrûnu taslît eyledim dedikde gıbbe’t-tasdîki’l-mu‘teber, mâ vaka‘a bi’t-taleb ketb olundu. Fi’l-yevmi’l-hâmis aşer min Saferi’l-hayr li sene 1074. Şuhûdü’l-hâl: Murtaza Beşe b. Kasım, Haydar Beşe b. Mehmed, Mehmed b. Sinan, Ali Beşe b. Süleyman, Abdi Çelebi b. Hüseyin.