İstanbul Mahkemesi 12 Numaralı Sicil (H. 1073-1074/M. 1663-1664) cilt: 16, sayfa: 578 Hüküm no: 753 Orijinal metin no: [67b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Cafer Subaşı mahallesinden Hatice bt. Abdullah ile Mehmed b. Durmuş’un muhâlaa yoluyla boşandıkları Hul‘ Mahmiye-i İstanbul’da Cafer Subaşı mahallesinde sâkine Hatîce bt. Abdullah nâm hâtun meclis-i şer‘-i hatîr-i lâzımü’t-tevkīrde zevci işbu bâ‘isü’l-kitâb Mehmed b. Durmuş nâm kimesne mahzarında ikrâr ve takrîr-i kelâm edip zevcim mezbûr Mehmed zimmetinde mütekarrir ve ma‘kūdun-aleyh olan bin beş yüz akçe mehr-i müeccelim ve nafaka-i iddet-i ma‘lûmem üzerlerine ve me’ûnet-i süknâm dahi kendi üzerime olmak üzre zevcim mezbûr ile muhâla‘a-i şer‘iyye ile muhâla‘a edip ol dahi hul‘-ı mezbûru kabûl ettikden sonra zevciyyete müte‘allika da‘vâdan her birimiz âharın zimmetini ibrâ eyledik dedikde gıbbe’t-tasdîki’l-mu‘teber, mâ vaka‘a bi’t-taleb ketb olundu. Fi’l-yevmi’s-sânî aşer min Saferi’l-hayr li sene 1074. Şuhûdü’l-hâl: Durmuş b. Cafer, Mehmed b. Musa, Bayram b. Mehmed, Hüseyin Beşe b. Cafer, Ahmed b. Mahmud, Mehmed b. Ramazan, Abdi Çelebi b. Hüseyin.