İstanbul Mahkemesi 12 Numaralı Sicil (H. 1073-1074/M. 1663-1664) cilt: 16, sayfa: 579 Hüküm no: 756 Orijinal metin no: [67b-6] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Çıkrıkçı Kemal mahallesinden Sultan bt. Abdünnebi’nin borcuna el-Hâc İbrahim’in kefil olduğu Kefâlet Mahmiye-i İstanbul’da Çıkrıkçı Kemal mahallesinde sâkine Sultan bt. Abdünnebî nâm hâtun meclis-i şer‘de hâfızü’l-kitâb Halil Bey b. İbrahim mahzarında ikrâr ve takrîr-i kelâm edip mezbûr Halil Bey’e emti‘a-i müteferri‘a semeninden altmış bin yedi akçe deynim olup meblağ-ı mezbûru âcilen edâya kudretim olmayıp istîcâl eylediğimde mezbûr dahi târih-i kitâb şehri gāyetinden altı ay tamâmına değin edâya te’cîl eyledi hâlâ vech-i muharrer üzre müeccel mezbûr Halil Bey’e vâcibü’l-edâ altmış yedi bin akçe deynim vardır şühûr-ı merkūme tamâmına değin edâya ta‘ahhüd eyledim dedikde gıbbe’t-tasdîki’l-mu‘teber mezbûrenin nefsine ve hîn-i mütâlebede meclis-i şer‘a ihzârına el-Hâc İbrahim b. ( ) nâm kimesne kefîl olmağın mâ hüve’l-vâki‘ bi’t-taleb ketb olundu. Fi’l-yevmi’s-sâmin min Saferi’l-hayr li sene erba‘a ve seb‘în ve elf. Şuhûdü’l-hâl: Hasan Bey b. Süleyman, Mehmed Çelebi b. Ahmed, Ahmed Çelebi b. Mahmud, Abdi Çelebi b. Hüseyin, Şükür Bey b. Mustafa.