İstanbul Mahkemesi 12 Numaralı Sicil (H. 1073-1074/M. 1663-1664) cilt: 16, sayfa: 580 Hüküm no: 757 Orijinal metin no: [68a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ağya v. Parsık adlı Ermeni’nin, Seyyid İbrahim b. Seyyid Ali’ye borcu olduğu İkrâr-ı deyn Mahmiye-i İstanbul’da Acıçeşme kurbunda sâkin hâfizu’l-kitâb es-Seyyid İbrahim b. es-Seyyid Ali meclis-i şer‘-i hatîrde Ağya v. Parsık nâm Ermeni muvâcehesinde üzerine da‘vâ ve takrîr-i kelâm edip mezbûr Ermeni zimmetinde cihet-i karz-ı şer‘îden iki bin beş yüz akçe alacağım olup meblağ-ı mezbûru merkūm Ermeni’den taleb eyledikde edâdan imtinâ‘ eder suâl olunsun dedikde gıbbe’s-suâl mezbûr Ağya dahi cevâbında fi’l-vâki‘ mezbûr Seyyid İbrahim’e cihet-i mezbûreden iki bin beş yüz akçe zimmetimde vâcibü’l-edâ deynim vardır deyû tâyi‘an ikrâr etmeğin ikrârı mûcebince meblağ-ı mezbûr iki bin beş yüz akçeyi müdde‘î-i mezbûra edâya mezbûr Ağya Ermeni’ye tenbîh olunup mâ vaka‘a bi’t-taleb ketb olundu. Fi’l-yevmi’s-sâmin min aşer min Saferi’l-hayr li sene 1074. Şuhûdü’l-hâl: Sâlih b. Abdi, İbrahim b. Şaban, Mustafa b. Rıdvan, Mehmed b. Mustafa, Abdi Çelebi b. Hüseyin, Şükrullah Bey b. Mustafa, Mehmed b. Ramazan, Veli b. Mahmud.