İstanbul Mahkemesi 12 Numaralı Sicil (H. 1073-1074/M. 1663-1664) cilt: 16, sayfa: 581 Hüküm no: 759 Orijinal metin no: [68a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. İshak Beşe b. Kasım’ın, Mehmed Beşe b. Mahmud’a borcu olduğu İkrâr-ı deyn Navluncu tâifesinden Mehmed Beşe b. Mahmud mahmiye-i İstanbul mahallâtından Macuncu mahallesi sâkinlerinden olup tâife-i habbâzînden olan İshak Beşe b. Kasım mahzarında meclis-i şer‘-i hatîr-i lâzımü’t-tevkīrde da‘vâ ve takrîr-i kelâm edip her bir keyli otuz sekiz akçeye olmak üzre yedimden müşterâ ve makbûz iki yüz yetmiş iki buçuk keyl buğday semeninden on bin üç yüz elli beş akçe hakkım vardır, taleb ederim, suâl olunup alıverilmek matlûbumdur dedikde gıbbe’s-suâl merkūm İshak Beşe cevâbında vech-i muharrer üzre buğday semeninden müdde‘î-i mesfûr Mehmed Beşe’ye on bin üç yüz elli beş akçe deyni olduğunu bi tav‘ihî ikrâr etmeğin alâ mûcib-i ikrârihî meblağ-ı merkūm on bin üç yüz elli beş akçeyi merkūm Mehmed Beşe’ye edâ ve teslîme mezbûr İshak Beşe’ye tenbîh birle mâ vaka‘a bi’t-taleb ketb olundu. Fi’l-yevmi’l-ışrîn min Saferi’l-hayr li sene 1074. Şuhûdü’l-hâl: Çukadar Ali Beşe b. Osman, Fahrü’l-kuzât Sofu Mehmed Efendi, Hacı Yusuf b. Musa, Şükrullah Bey b. Mustafa, Abdi Çelebi b. Hüseyin.