İstanbul Mahkemesi 12 Numaralı Sicil (H. 1073-1074/M. 1663-1664) cilt: 16, sayfa: 584 Hüküm no: 762 Orijinal metin no: [68b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Karabet v. Haçuk’un, Balatkapısı’nda oturan Sahak v. Zikat’e olan borcunu taksitle ödeyeceği Taksît Mahmiye-i İstanbul’da Balatkapısı kurbunda uncu tâifesinden işbu bâ‘isü’s-sifr Sahak v. Zikat? nâm Ermeni mahfil-i kazâda, yine tâife-i mezbûreden Karabet v. Haçuk nâm Ermeni muvâcehesinde takrîr-i kelâm edip mezbûr Karabet zimmetinde yedimden müşterî ve makbûz her keyli yetmiş beşer akçeden altmış dört keyl un semeninden dört bin sekiz yüz akçe hakkım olup meblağ-ı mezbûrdan sekiz yüz akçesini mezbûr Karabet yedinden ahz u kabz edip meblağ-ı bâkī dört bin akçe zimmetinde kalmış idi hâlâ meblağ-ı bâkī dört bin akçeyi mezbûre Karabet def‘aten edâya iktidârı olmayıp taksîte tâlib olmağın ben dahi târih-i kitâbdan altı ay ile yirmi gün tamâmına dek her ay altışar yüz akçe ve yirmi günde dört yüz akçe vermek üzre taksît edip ol dahi taksît-i mezbûru kabûl eyledi dedikde gıbbe’t-tasdîki’ş-şer‘î mâ vaka‘a bi’t-taleb ketb olundu. Fi’l-yevmi’s-sâmin aşer min Saferi’l-hayr li sene 1074. Şuhûdü’l-hâl: Abdi Çelebi b. Hüseyin, Şükrullah Çelebi b. Mustafa, Baba Resûl b. Rıdvan, Hacı Ahmed b. Mahmud, Ahmed b. Abdülcebbar.