İstanbul Mahkemesi 12 Numaralı Sicil (H. 1073-1074/M. 1663-1664) cilt: 16, sayfa: 585 Hüküm no: 763 Orijinal metin no: [68b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hasan Beşe b. Osman’ın, Karakaş v. Haçador’a olan borcunu taksitle ödeyeceği Taksît Ekmekçi tâifesinden Karakaş v. Haçador nâm Ermeni meclis-i şer‘-i hatîrde râfi‘ü’l-kitâb Hasan Beşe b. Osman muvâcehesinde bi’t-tav‘i’s-sâf ikrâr ve i‘tirâf edip mezbûr Hasan Beşe zimmetimde lâzımü’l-edâ dokuz bin yedi yüz akçe deynim olup lâkin meblağ-ı mezbûru def‘aten edâya iktidârım olmayıp taksîte tâlib olduğumda, dâyinim mezbûr dahi târih-i kitâb senesi şehr-i Rebî‘ulevvelisi gurresinden otuz iki ay tamâmına dek vech-i muharrer üzre ayda üç yüz akçe vermek üzre taksît eyledi dedikde mezbûr Ermeni’nin cemî‘ kelimâtını mezbûr Hasan Beşe tasdîk ve vech-i muharrer olan taksîti tahkīk edicek mâ hüve’l-vâki‘ gıbbe’t-taleb ketb olundu. Fi’l-yevmi’t-tâsi‘ aşer min Saferi’l-hayr li sene 1074. Şuhûdü’l-hâl: Şükrullah b. Mustafa, Abdi b. Hüseyin, el-Hâc Ahmed b. Mahmud, Ali Beşe Çukadar.