İstanbul Mahkemesi 12 Numaralı Sicil (H. 1073-1074/M. 1663-1664) cilt: 16, sayfa: 585 Hüküm no: 764 Orijinal metin no: [68b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Karabet v. Haçuk’un, Yanaki v. Kosta’ya borcu olduğunu kabul ettiği İkrâr-ı deyn Uncu tâifesinden bâ‘isü’l-kitâb Yanaki v. Kosta nâm zimmî meclis-i şer‘-i hatîr-i lâzımü’t-tevkīrde Karabet v. Haçuk nâm Ermeni muvâcehesinde üzerine da‘vâ edip mezbûr Karabet Ermeni zimmetinde un semeninden sekiz bin akçe hakkım olup meblağ-ı mezbûru mezbûr Karabet Ermeni’den taleb ederim suâl olunsun dedikde gıbbe’s-suâl mezbûr Karabet Ermeni cevâbında fi’l-vâki‘ müdde‘î-i mezbûr Yanaki zimmîye un semeninden sekiz bin akçe zimmetimde vâcibü’l-edâ ve lâzımü’l-kazâ deynim vardır deyû tav‘an ikrâr etmeğin ikrârı mûcebince meblağ-ı mezbûr sekiz bin akçe mezbûr Karabet üzerine ilzâm olunup mâ vaka‘a bi’t-taleb ketb olundu. Fi’l-yevmi’s-sâbi‘ aşer min Saferi’l-hayr li sene 1074. Şuhûdü’l-hâl: Muhzır Abdülkerim Ağa, Ahmed Çelebi b. Mahmud, çukadar Ali Beşe, Mustafa Beşe b. Rıdvan, Veli Beşe b. Mahmud, Mehmed b. Ramazan.