İstanbul Mahkemesi 12 Numaralı Sicil (H. 1073-1074/M. 1663-1664) cilt: 16, sayfa: 716 Hüküm no: 961 Orijinal metin no: [93b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ayşe Hâtun bt. Sefer Efendi’nin Ümmühânî bt. Hüseyin’e borç verdiği Mahmiye-i İstanbul’da Akşemseddin mahallesi sâkinelerinden Ayşe Hâtun bt. Sefer Efendi meclis-i şer‘-i hatîr-i lâzımü’t-tevkīrde mahmiye-i mezbûrede vâki‘ Murad Paşa-yı Atîk mahallesinde sâkine Ümmühânî bt. Hüseyin nâm hâtun mahzarında ikrâr ve takrîr-i kelâm edip mezbûr Ümmühânî Hâtun’un zimmetinde cihet-i karz-ı şer‘iyyeden yetmiş bin akçe hakkım mukābelesinde Murad Paşa-yı Atîk mahallesinde vâki‘ olup mezbûre Ümmühânî’nin silk-i mülkünde münselik olup bir tarafdan ba‘zan mezbûre Ümmühânî Hâtun bahçesi ve ba‘zan vakıf arsa ve bir tarafdan ba‘zan Haffâf Pîrî Çelebi ve ba‘zan kaftancı Ali Çelebi mülkleri ve bir tarafdan yine mezbûre Ümmühânî Hâtun mülkü ve bir tarafdan tarîk-i hâs ile mahdûd iki bâb menzil yedimde rehn-i makbûz olup hâlâ meblağ-ı mezbûr yetmiş bin akçeyi mezbûre Ümmühânî Hâtun yedinden ahz u kabz edip hudûd-ı mezbûre ile mahdûd olan iki bâb menzili mezbûre Ümmühânî Hâtun’a def‘ ve teslîm eyledim, menzil-i mezbûre muttasıl ma‘lûmu’l-hudûd menzil medyûne-i mezbûre Ümmühânî Hâtun’un bana ma‘lûmü’l-mikdâr deyni mukābelesinde rehin kalmışdır dedikde gıbbe’t-tasdîki’ş-şer‘î mâ hüve’l-vâki‘ bi’t-taleb ketb olundu. Şuhûdü’l-hâl: Mehmed Efendi imâm-ı câmi‘-i Murad Paşa, el-Hâc Hasan Efendi el-Hammâmî, Mustafa Halîfe el-Müezzin, el-Hâc Ali Ağa Kaftancı, Abdurrahman Efendi b. ( ), Ahmed Çavuş b. Ali, Ahmed Efendi.