İstanbul Mahkemesi 12 Numaralı Sicil (H. 1073-1074/M. 1663-1664) cilt: 16, sayfa: 720 Hüküm no: 967 Orijinal metin no: [94a-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mehmed Bey’in Mustafa Beşe b. Ömer’deki alacağını aldığı Fi’l-asl vilâyet-i Anadolu’da Küre-i Nühâs kazâsına tâbi‘ İnebolu nâm kasaba sükkânından iken vefât eden Osman nâm kimesnenin sulbî kebîr oğlu olup hâlâ Atmeydanı kurbunda sâkin Mehmed Bey meclis-i şer‘de işbu bâ‘isü’l-kitâb Mustafa Beşe b. Ömer mahzarında ikrâr ve takrîr-i kelâm edip mezbûr Mustafa Beşe karye-i mezbûrede vâki‘ lede’l-ahâlî ve’l-cîrân ma‘lûmu’l-hudûd tarlalarını ma‘rifet-i sâhib[-i arz]? ile babam müteveffâ-yı mezbûr Osman’a hayâtında üç bin dört yüz akçe bedel mukābelesinde tefvîz bi’l-vefâ tarîki üzre tefvîz, ol dahi vech-i muharrer üzre tefevvüz ve kabûl ettikden sonra babam mezbûr fevt oldukda meblağ-ı mezbûr irsen bana intikāl etmiş idi hâlâ meblağ-ı mezbûru tamâmen yedinden alıp kabz edip zikr olunan tarlalarına ma‘rifet-i sâhib-i arz mezbûr Mustafa Beşe’ye ferâğ, ol dahi kabûl eyledi ba‘de’l-yevm zikr olunan tarlalarda kat‘â benim alâka ve medhalim yoktur dedikde gıbbe’t-tasdîki’ş-şer‘î mâ hüve’l-vâki‘ bi’t-taleb ketb olundu. Hurrire fî târihi’l-mezbûr. Şuhûdü’l-hâl: Mehmed Efendi b. Musa, Mehmed b. Süleyman, Veli b. Mustafa, Mustafa b. Halil, Osman b. Ali, Şaban b. İslâm ve gayruhüm.