İstanbul Mahkemesi 12 Numaralı Sicil (H. 1073-1074/M. 1663-1664) cilt: 16, sayfa: 722 Hüküm no: 971 Orijinal metin no: [94b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mehmed Çelebi b. Selim’in El-Hâc Yahya b. Sâlih’in zimmetini ibrâ ettiği Mahmiye-i İstanbul’da Elvanzâde mahallesinde sâkin Mehmed Çelebi b. Selim meclis-i şer‘de mahalle-i mezbûre sükkânından el-Hâc Yahya b. Sâlih mahzarında ikrâr ve takrîr-i kelâm edip mezbûr el-Hâc Yahya ile mukaddemâ fevt olan karındaşım Ali Çelebi zimmetinde olan akçeye ve mukaddemâ fevt olan babam el-Hâc Selim ile olan mu‘âmelâta müte‘allika ve mülk menzile ve târih-i kitâba gelince beynimizde cârî olan ahz u i‘tâya ve mu‘âmelât-ı şettâya müte‘allika âmme-i da‘vâdan zimmetini ibrâ ve iskāt eyledim dedikde gıbbe’t-tasdîki’ş-şer‘î mâ hüve’l-vâki‘ bi’t-taleb ketb olundu. Fî selhi şehri Rebî‘ilevvel li sene erba‘a ve seb‘în ve elf. Şuhûdü’l-hâl: Es-Sâbikūn.