İstanbul Mahkemesi 12 Numaralı Sicil (H. 1073-1074/M. 1663-1664) cilt: 16, sayfa: 724 Hüküm no: 973 Orijinal metin no: [95a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Suyolcu Mehmed’in vakf ettiği evin Yahya Efendi b. Hüseyin’e verildiği Mahmiye-i İstanbul’da Sancakdar Hayreddin mahallesinde vâki‘ merhûm Suyolcu Mehmed nâm sâhibü’l-hayr vakf ve süknâsını ulemâdan bir recül-i sâliha şart ve ta‘yîn eylediği bir tarafdan mahalle-i mezbûre imâmına meşrûta olan vakıf menzile ve bir tarafı Ümmühânî Hâtun vakfı ve bir tarafı Mustafa Paşa fukarâsına meşrûta vakıf menzil ve bir tarafı tarîk-i âma müntehî vakıf menzile ber mûceb-i şart-ı vâkıf mutasarrıf olan Mehmed Efendi b. Hasan ihtiyârıyla fâriğ olup işbu râfi‘ü’l-kitâb Yahya Efendi b. Hüseyin meskene eşedd-i ihtiyâc ile muhtâc olmağın menzil-i mevkūf-ı mezkûr merkūm Yahya Efendi’ye kıbel-i şer‘den tevcîh olunup tasarrufu için işbu vesîka ketb ve yedine def‘ olundu. Tahrîren fi’l-yevmi’s-sâdis min şehri Rebî‘ilâhir li sene erba‘a ve seb‘în ve elf. Şuhûdü’l-hâl: Mehmed Efendi b. İsmail, Mehmed Efendi b. Ömer, Keşfî Mustafa Efendi b. Muharrem, İsâ Çelebi b. Hüseyin, Baba Resûl b. Rıdvan ve gayruhüm mine’l-huzzâr.