İstanbul Mahkemesi 12 Numaralı Sicil (H. 1073-1074/M. 1663-1664) cilt: 16, sayfa: 736 Hüküm no: 992 Orijinal metin no: [97b-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hatice bt. Abdullah ile Ramazan Beşe b. Abdullah’ın boşandıkları ve birbirlerinin zimmetlerini ibrâ ettikleri Mahmiye-i İstanbul’da Cebecibaşı mahallesinde sâkine Hatîce bt. Abdullah nâm hâtun meclis-i şer‘-i hatîr-i lâzımü’t-tevkīrde işbu bâ‘isü’l-kitâb zevci Ramazan Beşe b. Abdullah mahzarında ikrâr ve takrîr-i kelâm edip zevcim mezbûr Ramazan Beşe zimmetinde mütekarrir ve ma‘kūdun-aleyh olan bin akçe mehr-i müeccelim ve nafaka-i iddet-i ma‘lûmem üzerlerine ve me’ûnet-i süknâm dahi kendi üzerime olmak üzre zevcim mezbûr Ramazan Beşe ile muhâla‘a-i sahîha-i şer‘iyye ile muhâla‘a edip ol dahi hul‘-ı mezbûru kabûl ettikden sonra zevciyyete müte‘allika âmme-i da‘vâdan her birimiz âharın zimmetini ibrâ-i âmm-ı kātı‘ü’n-nizâ‘la ibrâ ve iskāt eyledik dedikde gıbbe’t-tasdîki’l-mu‘teber, mâ vaka‘a bi’t-taleb ketb olundu. Fi’l-yevmi’l-âşir [min] şehri Rebî‘ilâhir sene 1074. Şuhûdü’l-hâl: Mehmed b. Ali el-Müezzin, Hasan b. Abdullah, Ali b. Mehmed, Hasan b. Abdullah, Abdülkerim b. Ali ve gayruhüm.