İstanbul Mahkemesi 12 Numaralı Sicil (H. 1073-1074/M. 1663-1664) cilt: 16, sayfa: 738 Hüküm no: 995 Orijinal metin no: [98a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Celeb Kara Yani v. Nikola’nın Kasap Aleksandri ile davasının olmadığı. Havâss-ı Aliyye müzâfâtından Çatalca nâm kasaba sükkânından olup celeb tâifesinden olan Kara Yani v. Nikola nâm zimmî meclis-i şer‘-i hatîr-i lâzımü’t-tevkīrde yine kasaba-i mezbûre sükkânından olup kasap tâifesinden olan Aleksandri v. Mihal nâm zimmî muvâcehesinde ikrâr ve takrîr-i kelâm edip merkūm Aleksandri’nin karındaşı Yorgi zimmetinde deyn-i şer‘îden yirmi dört bin dört yüz akçe hakkım olup bundan akdem mezbûr Yorgi’nin nefsinde ve zimmetinde olan meblağ-ı merkūma kefîl olmuş idin deyû mesfûr Aleksandri’den da‘vâ eylemiş idim. Hâliyâ merkūm Aleksandri’yi kefâlet-i mezbûreden ihrâc eyledim ba‘de’l-yevm mezbûr Aleksandri ile husûs-ı mezbûra müte‘allika da‘vâm yoktur dedikde mâ vaka‘a bi’t-taleb ketb olundu. Fi’l-yevmi’l-âşir [min] şehri Rebî‘ilâhir li sene erba‘a ve seb‘în ve elf. Şuhûdü’l-hâl: Abdi Çelebi b. Hüseyin, el-Hâc Mehmed b. İbrahim, Ahmed Beşe er-Râcil, Sefer Çavuş el-Mübâşir ve gayruhüm.