İstanbul Mahkemesi 12 Numaralı Sicil (H. 1073-1074/M. 1663-1664) cilt: 16, sayfa: 741 Hüküm no: 1000 Orijinal metin no: [98b-5] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. İshak v. Laçin’in Avanos v. Asadur’da alacağı olduğunu ispatlayamadığı Mahmiye-i İstanbul’da Şeyh Ferhad mahallesinde sâkin İshak v. Laçin nâm Ermeni mahfil-i kazâda işbu hâmilü’s-sifr Avanos v. Asadur nâm Ermeni muvâcehesinde üzerine takrîr-i da‘vâ edip mezbûr Avanos’a yedi yüz kıt‘a riyâlî guruş ikrâz ve teslîm ol dahi iktirâz ve kabz etmişdi hâlâ meblağ-ı mezbûru taleb ederim, suâl olunsun dedikde gıbbe’s-suâl ve akībe’l-inkâr müdde‘î-i mezbûrdan müdde‘âsını mübeyyine beyyine taleb olundukda ityân-ı beyyineden izhâr-ı acz edip istimhâl etmeğin mehl-i şer‘î ile imhâl ve müddet-i mehil münkaziyye oldukdan sonra yemîn dahi [vermemeğin], mâ vaka‘a bi’t-taleb ketb olundu. Hurrire fî târihi’l-mezbûr li’s-seneti’l-merkūme. Şuhûdü’l-hâl: Ali b. Hasan, Hüseyin b. Ebûbekir, Abdi [b.] Hüseyin, Mustafa b. Ali, el-Hâc Ahmed b. Mahmud ve gayruhüm.