İstanbul Mahkemesi 12 Numaralı Sicil (H. 1073-1074/M. 1663-1664) cilt: 16, sayfa: 755 Hüküm no: 1019 Orijinal metin no: [101b-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Sâliha Hâtun’un Abdürrezzak b. Ali’den boşandığı Mahmiye-i İstanbul’da Debbâğzâde mahallesinde sâkine Sâliha bt. Mehmed nâm hâtun meclis-i şer‘de zevc-i mutallıkı işbu bâ‘isü’l-kitâb Abdürrezzak b. Ali mahzarında bi tav‘ihâ ikrâr ve takrîr-i kelâm edip mezbûr Abdürrezzak beni talâk-ı bâyin ile tatlîk etmeğin zimmetinde mütekarrir ve ma‘kūd-ı aleyh olan beş yüz akçe mehr-i müeccelim ve nafaka-i iddet-i ma‘lûmem ve me’ûnet-i süknâm için dahi ta‘yîn olunan üç yüz elli akçemi ve mukaddemâ menzil icâresinden zimmetinde bâkī kalan yetmiş akçe ki cem‘an dokuz yirmi akçeyi mezbûr Abdürrezzak yedinden tamânen ahz u kabz eyledim dedikde gıbbe’t-tasdîki’ş-şer‘î mâ vaka‘a bi’t-taleb ketb olundu. Hurrire fî târihi’l-mezbûr li seneti’l-merkūm. Şuhûdü’l-hâl: Abdi Çelebi b. Receb, Resûl b. Rıdvan, Mehmed b. Ramazan.