İstanbul Mahkemesi 12 Numaralı Sicil (H. 1073-1074/M. 1663-1664) cilt: 16, sayfa: 775 Hüküm no: 1047 Orijinal metin no: [106a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Vakıf evin meskene ihtiyacı olan es-Seyyid Ubeydullah Efendi’ye verildiği Mahmiye-i İstanbul’da Ali Paşa-yı Atîk mahallesinde vâki‘ ( ) nâm sâhibü’l-hayr vakf ve süknâsını ulemâdan bir recül-i sâliha şart eylediği bir tarafı Kâtib Mehmed Çelebi menziline ve bir tarafı mahalle-i mezbûre imâmına meşrût menzile ve bir tarafı Hasan Beşe menziline ve bir tarafı tarîk-i hâssa müntehî üç bâb tahtânî odaları ve eşcâr-ı müsmire ve gayr-ı müsmireli bahçe ve su kuyusunu müştemil menzilin tevcîh-i hâkimle mutasarrıfı olan Mehmed Efendi cilâ-yı vatan edip menzil-i mahdûd-ı mezbûr müddet-i medîde hâlî ve mu‘attal kalmağla ulemâdan olup meskene eşedd-i ihtiyâc ile muhtâc olan es-Seyyid Ubeydullah Efendi b. Mustafa Efendi’ye menzil-i mezbûr kıbel-i şer‘den tevcîh olunup tasarrufu için bu vesîka-i enîka ketb ve yedine def‘ ve teslîm olundu. Fi’l-yevmi’s-sâbi‘i aşer min şehri Rebî‘ilâhir li sene erba‘a ve seb‘în ve elf min hicreti’n-Nebeviyye aleyhi efdali’s-salâti ve ekmeli’t-tahiyye. Şuhûdü’l-hâl: Ahmed Efendi b. Süleyman Çelebi el-Aksarayî, Keşfî Mustafa Efendi el-Kâtib, Mehmed Efendi b. Ömer, Abdi Çelebi b. Hüseyin ve gayruhüm.