İstanbul Mahkemesi 12 Numaralı Sicil (H. 1073-1074/M. 1663-1664) cilt: 16, sayfa: 779 Hüküm no: 1052 Orijinal metin no: [106b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Kosta v. Hıristo’nun kuyumcu Arslan’a olan borcunu ödemesi Kuyumcu tâifesinden Arslan b. Abdullah meclis-i şer‘-i hatîr lâzımü’t-tevkīrde Kosta v. Hıristo nâm zimmî mahzarında üzerine takrîr-i da‘vâ edip merkūm Kosta zimmetinde cihet-i karz-ı şer‘îden altı bin beş yüz akçe hakkım vardır, suâl olunup alıverilmek matlûbumdur dedikde gıbbe’s-suâl merkūm Kosta cevâbında müdde‘î-i mezbûr Arslan’a cihet-i karz-ı şer‘îden dört bin dokuz akçe vâcibü’l-edâ ve lâzımü’l-kazâ deynim vardır deyû ikrâr edip ziyâdeyi inkâr edicek alâ mûcib-i ikrârihî ikrârı mertebesi olan dört bin dokuz yüz akçeyi müdde‘î-i merkūm Arslan’a teslîme mezbûr Kosta’ya tenbîh birle mâ vaka‘a bi’t-taleb ketb olundu. Fi’l-yevmi’t-tâsi‘ aşer şehri Rebî‘ilâhir li sene erba‘a ve seb‘în ve elf. Şuhûdü’l-hâl: Abdi Çelebi b. Hüseyin, Mehmed Çelebi b. Abdullah, Mustafa Çelebi b. Ali, Mehmed b. Ramazan ve gayruhüm.