İstanbul Mahkemesi 12 Numaralı Sicil (H. 1073-1074/M. 1663-1664) cilt: 16, sayfa: 785 Hüküm no: 1063 Orijinal metin no: [108a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. El-Hâc Mehmed b. Mahmud’un muallimhâne kömürlük arsasıyla alakasının olmadığı Mahmiye-i İstanbul’da Tevkī‘î Cafer mahallesi sükkânından olup Otlukçu oğlu demekle ma‘rûf el-Hâc Mehmed b. Mahmud ve meclis-i şer‘-i hatîr-i lâzımü’t-tevkīrde merhûm Sadi Çelebi nâm sâhibü’l-hayr mahalle-i mezbûrede binâ eylediği mu‘allimhânenin hâlâ mütevellîsi olan işbu bâ‘isü’l-kitâb fahrü’l-eimme Abdullah Efendi b. Mustafa Efendi mahzarında ikrâr ve takrîr-i kelâm edip zikr olunan mu‘allimhânenin lede’l-ahâlî ma‘lûmu’l-hudûd kömürlük arsası sâbıkan vakf-ı mezbûre mütevellî olan Durmuş demekle ma‘rûf kimesne bana icâre-i mu‘accele ve müeccele-i ma‘lûmeteyn ile vermişdi, benim taht-ı tasarrufumdadır deyû nizâ‘ eylemişdim, hâlâ zikr olunan arsadan kasr-ı yed edip mütevellî-i mezbûr Abdullah Efendi’ye teslîm eyledim ba‘de’l-yevm arsa-i merkūmede kat‘â alâka ve medhalim yoktur dedikde gıbbe’t-tasdîki’ş-şer‘î mâ vaka‘a bi’t-taleb ketb olundu. Hurrire fî târihi’l-mezbûr li’s-seneti’l-merkūme. Şuhûdü’l-hâl: Hasan Çelebi b. Mustafa, Ali Beşe b. Mustafa, Sâlih Efendi b. Abdurrahman, İbrahim Halîfe b. Yusuf, Mehmed Çelebi b. Ali ve gayruhüm.