İstanbul Mahkemesi 12 Numaralı Sicil (H. 1073-1074/M. 1663-1664) cilt: 16, sayfa: 789 Hüküm no: 1070 Orijinal metin no: [109a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Seyyid Mehmed Çelebi’nin Rus asıllı cariyesi Servinaz’ı azat ettiği Mahmiye-i İstanbul’da Silivrikapısı kurbunda Bâli Ağa mahallesinde sâkin es-Seyyid Mehmed Çelebi b. es-Seyyid Gülâbî meclis-i şer‘-i hatîrde takrîr-i kelâm edip zikri âtî ıtkın sudûruna değin mülk ve hakkım olup rıkk-ı sâbıkına i‘tirâfı olan işbu açık kaşlı gök gözlü uzun boylu Rusiyyetü’l-asl hâfızatü hâzihi’l-vesîka Servinaz bt. Abdullah nâm câriye-i memlûkemi, hasbeten lillâhi te‘âlâ ve taleben li merzâti Rabbihi’l-a‘lâ tahrîr ve i‘tâk ve harâir-i asliyyâta ilhâk eyledim ba‘de’l-yevm mezkûre Servinaz sâir harâir-i asliyyât gibi hürredir üzerinde velâdan gayrı hakkım bâkī kalmadı dedikde mâ hüve’l-vâki‘ bi’t-taleb ketb olundu. Fi’l-yevmi’s-sâlis ve’l-ışrîn [min] şehri Rebî‘ilâhir [li sene erba‘a ve seb‘în ve elf]. Şuhûdü’l-hâl: Mustafa Bey b. Mustafa, el-Hâc Mehmed b. İbrahim, es-Seyyid Şeyh Mehmed Çelebi b. ( ), kemhacı el-Hâc Mehmed ve gayruhüm.