İstanbul Mahkemesi 12 Numaralı Sicil (H. 1073-1074/M. 1663-1664) cilt: 16, sayfa: 791 Hüküm no: 1074 Orijinal metin no: [109a-5] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Borcundan dolayı hapiste bulunan Çörekçi el-Hâc Fethullah’ın hiçbir malı olmadığından serbest bırakılması Müflis hücceti Zikri âtî için sicn-i sultânîde haps olunup Mahmiye-i İstanbul’da çörekçi tâifesinden el-Hâc Fethullah b. Mehmed nâm kimesneden vech-i âtî üzre istişhâd-ı şer‘î sudûrundan sonra udûl-i müslimînden Mehmed b. Şaban ve Heykel b. Yunus ve Şeyh Sâlih b. Necib ve Ahmed b. Satılmış nâm kimesneler meclis-i şer‘de müsteşhid-i mezbûr el-Hâc Fethullah’ın dâyini Nikola v. Yani nâm zimmî muvâcehesinde her biri şehâdet edip fi’l-vâki‘ mezbûr Nikola iki bin yedi yüz akçe için merkūm el-Hâc Fethullah’ı târih-i kitâbdan altı ay mukaddem emr-i hâkimü’ş-şer‘le sicn-i sultânîye haps ettirip işbu güne değin hapisden ıtlâk olunmamışdı. Lâkin medyûn-ı mezbûr el-Hâc Fethullah müflis ve fakīr ve mu‘dim olup üzerinde lâbis olduğu libâsından gayrı ism-i mal ıtlâk olunur bir şey ve bir habbesi olmadığı ma‘lûmumuzdur. Biz bu husûsa bu [ve]ch üzre şâhidleriz şehâdet dahi ederiz dediklerinde, gıbbe’t-ta‘dîl ve’t-tezkiyye şehâdetleri makbûle olmağın mûcebince ba‘de’t-tahlîf husûs-ı mezbûr dâyin-i mezbûr huzûrunda olmağla mal ve yesârı zâhir oluncaya değin bilâ-kefîl mezbûr el-Hâc Fethullah ıtlâk olunup mâ vaka‘a bi’t-taleb ketb olundu. Fi’l-yevmi’s-sâbi‘ ve’l-ışrîn [min] şehri Rebî‘ilâhir sene 1074. Şuhûdü’l-hâl: Abdi Çelebi b. Hüseyin, Baba Resûl b. [Rıdvan] el-Muhzır, Hasan Çelebi b. ( ) el-muhzır ve gayruhüm.