İstanbul Mahkemesi 12 Numaralı Sicil (H. 1073-1074/M. 1663-1664) cilt: 16, sayfa: 799 Hüküm no: 1085 Orijinal metin no: [111a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ayşe bt. Hasan’ın Mahmud b. Mehmed’den boşandığı Mahmiye-i İstanbul’da Çukurçeşme mahallesinde sâkine Ayşe bt. Hasan nâm hâtun meclis-i şer‘de işbu bâ‘isü’l-kitâb zevci Mahmud b. Mehmed nâm kimesne mahzarında ikrâr ve takrîr-i kelâm edip zevcim mezbûr Mahmud zimmetinde mütekarrir ve ma‘kūdun aleyh olan sekiz bin akçe mehr-i müeccelimin beş yüz akçesini zevcim mezbûr Mahmud yedinden ahz u kabz edip zimmetinde bâkī üç yüz akçe mehr-i müeccelim ve nafaka ve iddet-i ma‘lûmem üzerlerine ve me’ûnet-i süknâm dahi kendi üzerime olmak üzre zevcim mezbûr Mahmud ile muhâla‘a-i sahîha-i şer‘iyye ile muhâla‘a edip ol dahi hul‘-ı mezbûru kabûl eyledikden sonra zevciyyete müte‘allika âmme-i da‘vâdan her birimiz âharın zimmetini ibrâ ve iskāt eyledik dedikde gıbbe’t-tasdîk mâ vaka‘a bi’t-taleb ketb olundu. Hurrire fî târihi’l-mezbûr li’s-seneti’l-merkūm. Şuhûdü’l-hâl: Abdi Çelebi b. Hüseyin, Baba Resûl b. Rıdvan, Şükrullah b. ( ) ve gayruhüm.