İstanbul Mahkemesi 12 Numaralı Sicil (H. 1073-1074/M. 1663-1664) cilt: 16, sayfa: 809 Hüküm no: 1099 Orijinal metin no: [113a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Müteveffâ Ahmed b. Mustafa’nın çocuklarının vasîsi Hasan Çelebi’ye Ali Çelebi’nin nâzır tayin edildiği Mahmiye-i İstanbul’da Karabaş mahallesinde sâkin iken bundan akdem vefât eden Ahmed b. Mustafa Bey sulbî sagīr oğlu Mustafa ve sulbiye sagīre kızı Râbia’nın babalarından intikāl eden mâllarını hıfza ve ahvâllerini zabta kıbel-i şer‘den mansûb vasîleri olan Hasan Çelebi b. Mehmed nâm kimesnenin üzerine bir nâzır nasb ve ta‘yîn olunmak lâzım ve mühim olmağla sagīrân-ı mezbûrânın ammileri olan işbu hâfızü’l-kitâb Ali Çelebi b. Murad nâm kimesne nezâret uhdesinden gelmeğe kādir olmağın savb-ı şer‘den hasbî nâzır nasb ve ta‘yîn olundukda ol dahi nezâret-i mezbûreyi kabûl ve hizmet-i lâzımesini edâya ta‘ahhüd etmeğin mâ vaka‘a bi’t-taleb ketb olundu. Hurrire fî târihi’l-mezbûr. Şuhûdü’l-hâl: Hüseyin Efendi b. İbrahim, Ali Beşe b. Üveys, Mehmed b. Ali, İbrahim b. Halil ve gayruhüm.