İstanbul Mahkemesi 12 Numaralı Sicil (H. 1073-1074/M. 1663-1664) cilt: 16, sayfa: 822 Hüküm no: 1121 Orijinal metin no: [115b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Dartal Papas v. Terkoy’un Kirkor v. Anvas’daki alacağını taksite bağladığı Mahmiye-i İstanbul’da Mahmud Paşa kurbunda sâkin Dartal Papas v. Terkoy nâm Ermeni meclis-i şer‘de işbu bâ‘isü’s-sifr Kirkor v. Anavas [Avanos] nâm Ermeni muvâcehesinde takrîr-i kelâm edip mezbûr Kirkor Ermeni zimmetinde cihet-i karz-ı şer‘îden kırk beş bin akçe hakkım olup meblağ-ı mezbûru bundan akdem mezbûrdan da‘vâ ve taleb eylediğimde ol dahi inkâr etmekle beynimizde münâza‘ât-ı kesîre vâkı‘a olmuşdu el-hâletü hâzihî vesâtat-ı muslihîn ile beni da‘vâ-yı mezkûrumdan on bin akçe üzerine inşâ-i akd-i sulh eyledikde ben dahi sulh-ı mezbûru kabûl ve bedel-i sulh olan meblağ-ı mezbûr on bin akçeyi mezkûr Kirkor def‘aten edâya iktidârı olmamağla te’cîle tâlib olmağın ben dahi her ayda üçer yüz akçe vermek üzre târih-i kitâbdan otuz üç ayda üçer yüz akçe ve bir ayda dahi yüz akçe vermek üzre taksît edip ol dahi mukassat-ı mezbûru vech-i muharrer üzre kabûl eyledi dedikde gıbbe’t-tasdîki’ş-şer‘î mâ vaka‘a bi’t-taleb ketb olundu. Fi’l-yevmi’s-sâdis min şehri Cemâziyelevvel li sene erba‘a ve seb‘în ve elf. Şuhûdü’l-hâl: Abdi Çelebi b. Hüseyin, Ahmed Bey b. Abdullah, Baba Resûl b. Rıdvan, Diğer Ahmed Bey b. Abdi, Ahmed b. Abdülcebbar, Süleyman Ağa el-Mübâşir, Mustafa b. Ali.