İstanbul Mahkemesi 12 Numaralı Sicil (H. 1073-1074/M. 1663-1664) cilt: 16, sayfa: 826 Hüküm no: 1129 Orijinal metin no: [116a-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. İsmihan bt. Abdullah’ın Rus asıllı kölesini azat ettiği Medîne-i hazret-i Ebâ Eyyûb-i Ensârî -radiye anhü’l-Bârî- mahallâtından Baba Haydar mahallesi sâkinlerinden İsmihan bt. Abdullah nâm hâtun tarafından husûs-ı âtîye nehc-i şer‘î ve vech-i mer‘î üzre sâbitü’l-vekâle vekîl olan Ali Bey b. Abdullah meclis-i şer‘-i hatîr-i lâzımü’t-tevkīrde takrîr-i kelâm edip müvekkilem mezbûre İsmihan Hâtun kendiye rıkkını mu‘terif olan işbu çatık kaşlı elâ gözlü Rusiyyü’l-asl Süleyman b. Abdullah nâm abd-i memlûkünü, hasbeten lillâhi’l-hallâk tahrîr ve i‘tâk [ve] zümre-i ahrâr-ı asliyyîne ilhâk eyledi ba‘de’l-yevm merkūm Süleyman sâir ahrâr-ı müslimîn gibi hür olup üzerinde velâ-i şer‘iyyeden gayrı hak ve alâkası kalmadı dedikde gıbbe’t-tasdîk mâ vaka‘a bi’t-taleb ketb olundu. Fi’l-yevmi’t-tâsi‘ min Cemâziyelevvel li sene erba‘a ve seb‘în ve elf. Şuhûdü’l-hâl: Hacı Ahmed b. Mahmud, Şükrullah Bey b. [Mustafa], Abdi Çelebi b. Hüseyin, Ömer Çelebi b. Abdullah ve gayruhüm.