İstanbul Mahkemesi 12 Numaralı Sicil (H. 1073-1074/M. 1663-1664) cilt: 16, sayfa: 869 Hüküm no: 1190 Orijinal metin no: [125b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Fâtıma bt. Mehmed Çelebi’nin boşandığı eşi İbrahim Beşe b. Ali’de olan mehr-i müeccelini tahsil ettiği Mahmiye-i İstanbul’da Mi‘mâr Sinan mahallesinde sâkine Fâtıma bt. Mehmed Çelebi nâm hâtun tarafından husûs-ı âti’l-beyâna vekîl olup vekâleti Abdülbâkī Çelebi b. Ebûbekir ve Mehmed Beşe b. Hasan nâm kimesneler şehâdetleriyle şer‘an vekâleti sâbite olan babası mezkûr Mehmed Çelebi b. Mustafa meclis-i şer‘-i hatîrde müvekkile-i mezbûrenin zevc-i mutallıkı işbu bâ‘isü’l-kitâb İbrahim Beşe b. Ali mahzarında bi’l-vekâle ikrâr ve takrîr-i kelâm edip mezbûr İbrahim Beşe müvekkilem merkūme Fâtıma’yı târih-i kitâbdan yirmi beş gün mukaddem talâk-ı bâyin ile tatlîk eylemişdi. Merkūm İbrahim Beşe zimmetinde mütekarrir ve ma‘kūdun-aleyh olan beş bin akçe mehr-i müecceli ile nafaka-i iddet-i ma‘lûmesi ve me’ûnet-i süknâsından dahi merkūm İbrahim Beşe’yi ibrâ-i âmm-ı kātı‘ü’n-nizâ‘la ibrâ ve iskāt eyledi dedikde gıbbe’t-tasdîki’ş-şer‘î mâ vaka‘a bi’t-taleb ketb olundu. Hurrire fi’l-yevmi’l-hâdî aşer min Cemâziyelevvel li sene erba‘a ve seb‘în ve elf. Şuhûdü’l-hâl: El-Hâc Sefer b. Abdullah, Ahmed Çelebi b. Mehmed, Ramazan Beşe b. Hüdâverdi, Veli Çelebi b. Mahmud ve gayruhüm.