İstanbul Mahkemesi 12 Numaralı Sicil (H. 1073-1074/M. 1663-1664) cilt: 16, sayfa: 894 Hüküm no: 1218 Orijinal metin no: [131b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ermeni Şâhin v. Karagöz’ün Hacı Ömer vakfından rehin karşılığı aldığı borcunu ödediği Mahmiye-i İstanbul’da el-Hâc Ömer vakfına hâlâ mütevellî olan Hasan Bey b. Abdullah meclis-i şer‘-i hatîrde işbu bâ‘isü’s-sifr Şâhin v. Karagöz nâm Ermeni muvâcehesinde ikrâr ve takrîr-i kelâm edip bundan akdem vakf-ı mezbûr malından merkūm Şâhin zimmetinde her biri sekizer dirhem olmak üzre yüz yirmi riyâlî guruş olup mukābelesinde silk-i mülk-i sahîhimde münselik olan eşyâsından bir enselik ve bir çatma inci ve bir yakalık altı kıt‘a inci yedime rehin vaz‘ ve teslîm olunmuşdu hâlâ bir def‘a her biri sekiz dirhem olmak üzre yüz on riyâlî guruş ve bir def‘a guruş-ı mezkûrdan on riyâlî guruş ki cem‘an yüz yirmi riyâlî guruşu bi’t-tevliyye merkūm Şâhin yedinden tamâmen ahz u kabz edip zikr olunan rihân-ı mezkûru kendiye def‘ ü teslîm eyledim ba‘de’l-yevm vakf-ı mezbûr malından mezbûr Şâhin’in zimmetinde gerek asl-ı mal ve gerek murâbahadan bir akçe ve bir habbe bâkī kalmadı dedikde gıbbe’t-tasdîki’ş-şer‘î mâ vaka‘a bi’t-taleb ketb olundu. Fi’l-yevmi’l-ışrîn min Cemâziyelevvel li sene erba‘a ve seb‘în ve elf. Şuhûdü’l-hâl: Ahmed Beşe el-Mübâşir, el-Hâc Ahmed b. Mahmud, Abdi Çelebi b. Hüseyin, Şükrullah b. Mustafa ve gayruhüm.