İstanbul Mahkemesi 12 Numaralı Sicil (H. 1073-1074/M. 1663-1664) cilt: 16, sayfa: 895 Hüküm no: 1219 Orijinal metin no: [131b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ümmühânî bt. Cihan’ın vasîsi olduğu Eyüb Çelebi’nin malından vasîlik ücretini aldığı Husûs-ı âti’l-beyânın mahallinde tahrîri için gıbbe’l-iltimâs kıbel-i şer‘-i kavîmden Mevlânâ İbrahim Efendi b. İsmail irsâl olunup ol dahi mahmiye-i İstanbul’da Hamâmcı Muhyiddin mahallesi sâkinelerinden Ümmühânî Hâtun bt. Cihân’ın sâkine olduğu menzile varıp zeyl-i kitâbda mastûrü’l-esâmî olan müslimîn mahzarlarında akd-i meclis-i şer‘-i münîr eyledikde mezbûre Ümmühânî Hâtun meclis-i ma‘kūd-ı mezbûrda mahalle-i merkūmede sâkin iken bundan akdem vefât eden Hasan Çelebi b. Abdullah’ın verâseti sulbî oğlu Eyüb Çelebi ile sulbiye kızı Gevher’e münhasıra oldukdan sonra mezbûre Gevher dahi fevt olup verâseti, karındaşı merkūm Eyüb Çelebi’ye münhasıra olduğu şer‘an zâhir u mütehakkik oldukdan sonra mezkûr Eyüb Çelebi mahzarında ikrâr ve takrîr-i kelâm idip mezbûr Eyüb Çelebi ile kız karındaşı mezbûre Gevher’in hâl-i sıgārlarında kıbel-i şer‘den mansûbe vasîleri idim mezbûrânın mallarından yevmî onar akçe hâkimü’ş-şer‘ bana ücret ta‘yîn etmekle ol onar akçe ücreti hâl-i sıgārlarında mallarından tamâmen alıp kabz eyleyip ücrete müte‘allika mezbûr Eyüb Çelebi ile da‘vâ ve nizâ‘ım yoktur dedikde gıbbe’t-tasdîk vâki‘ hâli Mevlânâ-yı mezbûr mahallinde ba‘de’t-tahrîr ma‘an irsâl olunan Mehmed ile meclis-i şer‘-i hatîre gelip alâ vukū‘ihi ihbâr ve takrîr etmeğin mâ vaka‘a bi’t-taleb ketb olundu. Fi’l-yevmi’s-sâdis min Cemâziyelâhir li sene erba‘a ve seb‘în ve elf. Şuhûdü’l-hâl: El-Hâc Ahmed b. Mahmud, Abdi Çelebi b. Hüseyin, Şükrullah b. Mustafa, Mehmed b. Ramazan ve gayruhüm.